Treningsoppfølging
Havreberg Coaching tilbyr treningsoppfølging og mental trening for å hjelpe deg med å nå måla dine.
Om ønsket er å prestera innan idrett, endra utsjånaden og samansetninga til kroppen, auka styrken eller uthalden, betre helsa, helbrede ein skade, førebygga livsstilssjukdommar eller belastningsskadar – eller utvikla mental styrke og fokus – så kan me hjelpa deg på vegen mot varig framgang.
Gjennom oppfølginga vår vil me kartlegga, lytta og utarbeida ein systematisk plan som blir følgt over tid. Planen er individuelt tilpassa og skal gje deg målbare resultat – både fysisk og mentalt.
Oppfølginga vår består hovudsakleg av tre former:
Online coaching
1-til-1 treningsveiledning ved eitt av våre treningssenter
Mental trening med fokus på indre styrke, sjølvleiing og meistring
online coaching
Online coaching består av individuelt tilpassa personleg trening over nett. Me hjelper klientar over heile landet med å nå målsetjingane sine – via mobilen. Du kan trena når det passar deg, og har coachen din lett tilgjengeleg via app eller mail. I tillegg til rettleiing mot gode og varige resultat får du verktøya og informasjonen du treng for å nå måla dine. Prinsippa vi coacher etter er baserte på forsking, samt lang eigenerfaring innanfor coaching og personleg trening.
Steg 1
KONTAKTSKJEMA
Fyll ut og send inn kundeskjemaet som er plassert nedst på sida. Dette skjemaet vil starta prosessen av samarbeidet vårt, og gir oss den grunnleggjande informasjonen me treng.
Steg 4
TRENINGSPLANEN
Kunden vil få utlevert den ferdig utarbeidde treningsplanen. Den vil bli levert via ein app på PCen/telefonen. Her vil øktene vera tilgjengeleg på ein oversiktleg måte og alle øvingar vil ha tilgjengeleg videodemonstrasjon.
Steg 2
OPPSTARTSAMTALE
Etter innlevert kundeskjema vil du få tilsendt ein mail der me avtaler eit tidspunkt for oppstartsamtale. Gjennom den vil me bli betre kjent og utarbeida ein grovplan for korleis me skal nå måla dine.
steg 5
OPPFØLGING
Du vil gjennom heile samarbeidsperioden få oppfølging og justering av treningsplanen etter ønske. Trenaren din vil vere tilgjengeleg på melding i appen og på mail for spørsmål gjennom heile perioden.
Steg 3
SCREENING
I dei fleste tilfella blir det gjennomført ein screening. Dette varierer frå omfattande fysisk testing, til enkle målingar, heilt avhengig av måla dine. Det gir oss objektive tal som viser utgangspunktet ditt, samt gir ein peikepinn på kva som må jobbast med, og er essensiel for måling av framgang.
steg 6
EVALUERING
Me vil stadig evaluera treninga og resultata dine, slik at me kan justera og tilpassa undervegs for å nå måla dine på best mogleg måte.
1-til 1-treningsveiledning
Enten du ønsker å prestera i idrett, auka styrken, betre helsa, førebygga livsstilssjukdommar, førebygga belastningsskadar eller endra utsjånaden til kroppen og samansetning, så anbefaler me at du trenar styrke.
Derfor tilbyr me 1-til 1- treningsrettleiing med hovudfokus på styrketrening. Styrketreninga blir tilpassa målsetningane dine, utgangspunktet ditt, eventuell treningserfaring og kor mykje tid du har eller ønsker å bruka på trening.
Øktene blir gjennomførte i treningslokala våre; Havreberg Gymmet, men tilpassar òg program til deg som har eit lite utval av frivekter heime. Har du i tillegg målsetjingar innanfor kondisjonstrening eller spesifikk idrett, legg me sjølvsagt til rette for det òg. Skulle du vera usikker på om coachinga vår passar dine målsetjingar eller du har eventuelle utfordringar, må du gjerne ta kontakt med oss.
Springetrening
Ønskjer du å bli ein betre springar, trene meir målretta eller førebu deg mot eit konkret løp?
Med personleg springetrening får du eit individuelt treningsopplegg tilpassa nivået ditt, måla dine og kvardagen din.
Oppfølginga blir gjort av Reidar Austrheim, aktiv konkurranseløpar, fysioterapistudent og utdanna løpetrenar gjennom Norges Friidrettsforbund. Reidar har sjølv konkurrert på distansar frå 1500 meter til halvmaraton, og brenn for kontrollert og langsiktig trening som gir kontinuitet og framgang.
Treningsplanen din blir lagt opp og følgt opp gjennom den anerkjende treningsplattformen TrainingPeaks. Her får du oversikt over øktene dine, intensitet, progresjon og treningsbelastning, samtidig som Reidar kan følgje utviklinga di og justere treninga undervegs.
Enten målet er å kome i gang med springing, gjennomføre ditt første løp, sette ny personleg rekord eller ta springinga til neste nivå, får du eit opplegg som er bygd rundt deg. Målet er ikkje å presse mest mogleg trening inn i veka, men å finne den treninga som gir deg best mogleg utvikling over tid.
MENTAL TRENING
Lise hjelper deg som står i mykje, og som ønskjer meir ro, overskot og retning i kvardagen. Ho jobbar med å skape betre balanse mellom krav og kapasitet, og gir deg verktøy for å handtere stress og ta gode val i det du står i.
Gjennom mental rettleiing får du ei praktisk og tilpassa tilnærming som hjelper deg å få meir ut av både kvardagen og treninga. Med fokus på samanhengen mellom det mentale og det fysiske, legg ho til rette for ei utvikling som er berekraftig over tid.
Målet er ikkje å gjere meir, men å gjere rett.
Kosthaldsveiledning
Eit godt kosthald handlar ikkje berre om kaloriar og karbohydratar – det handlar om å finne ein måte å eta på som fungerer for akkurat deg og din kvardag, og som støttar opp under måla dine, helsa di og energien din.
Hos Havreberg Coaching tilbyr me kosthaldsrettleiing som er realistisk, tilpassa og utan overdriven fokus på forbod og ekstreme løysingar. Me hjelper deg med å skape gode vanar du faktisk kan halde fast ved – enten målet ditt er å prestera betre i idrett, gå ned i vekt, byggja musklar, få betre energi eller rett og slett eta litt sunnare i kvardagen.
Saman ser me på kva du et i dag, kva du ønsker å oppnå, og korleis du kan gjera smarte justeringar over tid. Rettleiinga kan kombinerast med treningsoppfølging eller stå åleine – og blir tilpassa livssituasjonen og behova dine.
Vil du ha hjelp til å få meir struktur og forståing rundt kosthaldet ditt? Ta kontakt, så finn me ut kva som kan passe for deg.
Testing
Vil du vite meir om korleis kroppen din faktisk responderer på trening? Med laktat og makspulstesting får du konkrete målingar som gir eit betre grunnlag for å styre intensiteten, tilpasse treningssonene og trene meir målretta.
Laktattest
Under ein laktattest aukar me intensiteten gradvis og tek små blodprøvar undervegs for å måle laktatnivået i blodet. Testen gir oss informasjon om korleis kroppen responderer ved aukande belastning, og hjelper oss med å vurdere terskel og kva intensitet du bør ligge på i ulike delar av treninga.
Dette kan vere spesielt nyttig dersom du trener mot eit konkret mål, ønskjer betre kontroll på rolege økter og terskeltrening, eller vil følgje utviklinga di over tid.
Makspulstest
Makspuls er individuelt og kan variere mykje frå person til person. Generelle formlar basert på alder gir derfor ikkje alltid eit godt bilete av din faktiske makspuls. Gjennom ein kontrollert test aukar me belastninga gradvis til høg intensitet for å finne den høgaste hjartefrekvensen du kan oppnå.
Når me kjenner makspulsen din, får me eit betre utgangspunkt for å sette individuelle pulssoner og styre treninga etter din kapasitet.
Kvifor teste?
Testing handlar ikkje berre om å finne eit tal. Resultata kan brukast aktivt i treningskvardagen, slik at du veit når du faktisk trener roleg, kvar terskelintensiteten din ligg og korleis du kan styre harde økter.
Testane passar både for mosjonistar og aktive utøvarar, anten målet er å kome i betre form, springe raskare, førebu seg til konkurranse eller få meir ut av treningstida.
Testing føregår på faste testdagar i Testlab Etne på Ljoshallbygget. Det er vår springetrenar Reidar Austrheim som utfører testinga.
Gruppetilbod
CrossTrain
CrossTrain er variert og funksjonell trening som kombinerer styrke, kondisjon og ulike øvingar for heile kroppen. Øktene blir tilpassa nivået ditt, slik at både nybyrjarar og erfarne kan delta, utvikle seg og kjenne på meistring.
Tysdag kl. 19:00 og laurdag kl. 10:00
Boksing
Boksing gir ei effektiv og variert treningsøkt med fokus på teknikk, kondisjon, styrke og koordinasjon. Du treng ingen erfaring frå før, og øktene blir tilpassa slik at alle kan delta og utvikle seg i sitt eige tempo.
Måndag og torsdag kl. 19:00
Zumba
Zumba kombinerer dans, musikk og trening i ei energisk økt med fokus på bevegelse og treningsglede. Du treng ingen danseerfaring frå før. Her er målet å få opp pulsen, ha det kjekt og få ei god treningsøkt saman med andre.
Måndag og torsdag kl. 18:00
