Gjennom fleire års erfaring innan Kyokushin Karate oppdaga me ein mangel av tilbod for utøvarar som ønskte å ta det neste skritt i treninga. Karate miljøet er prega av mange små klubbar der dei fleste er frivillige trenerar. Slike eldsjeler er fantastiske og ein viktig del av utvikling av utøverar. Men som frivillig skal instrueringa ofte sjonglerast med jobb, familie og andre forpliktingar. Dette kan gjera det vanskeleg å gi eventuelle ekstra tilbod til utøvarar utover dei faste øktene til klubben. Etter stadig fleire førespurnader frå utøvarar og trenarar om råd og oppfølging, såg me ein mangel på moglegheit til oppfølging av utøvarar som ønskte å satsa. Ønsket om å hjelpa i slike situasjonar er hovudårsaken til at Havreberg Coaching vart grunnlagt. Me utvikla eit tilbod som gav utøvarar moglegheit til å få treningsoppfølging både i spesifikk- og fysisk trening, som eit suplement til treninga dei hadde i klubbane. Dette vart gjennomført både via online coaching, 1- til 1- treningsoppfølging og treningssamlingar. Det gav utøverar eit tilbod til å ta treninga si til det det neste nivået.

​

Etterkvart har tilbodet utvikla seg til å bli eit breitt tilbod som kan hjelpa med tenester for dei fleste som ønsker å oppnå mål med relasjon til fysisk aktivitet. Den dag i dag jobbar me med utøvarar frå mange idrettar som til dømes fotball, handball, tennis og turn. Og dessutan folk som ønsker å komma i form, bygga seg opp etter skade eller endra kroppsamansetning.

 

Visjonen vår er å hjelpa alle som måtte ønska forandringar og oppnå måla sine. Om det er å bli verdsmeister, eller å kunna fungera betre i kvardagen, så vil me bruka metodane våre basert på forsking og erfaring til å hjelpa deg på vegen.